Gure goiburuak (misioak) horrela dio:
Ikasleei prestakuntza osoa, adimen- eta giza-heldutasuna, eginkizun sozialak garatzea eta bizitza aktiboan erantzukizunez eta gaitasuna izanik sartzea ahalbidetzen dien ezagutza eta trebetasunak ematea. Trebatasun horretan ekintzailetasuna sartzen da
Bestalde Oteitza Lizeo Politeknikoak HETEL, EHI, eta Hezkuntza sailaren ekimen eta proiektuetan parte hartzen du bertako kide diren gainerak ikastetxeekin batera.
Gure ikuskerak (bisioak) berriz, horrela dio:
Oteitza Lizeo Politeknikoak, berrikuntza pedagogiko eta teknologikoengatik, gure lanaren eraginkortasunagatik eta bezeroei emandako kalitatezko zerbitzuagatik nabarmendu nahi du  eskualdean, beti ere etengabeko hobekuntza eta bikaintasun bidean. Osotasuneko formazioa eman nahi horretan sartzen dugu ekintzailetasuna.
Gure balioetan ardura azaltzen da:
Gure lanpostuan eta gizartearen zerbitzurako beharrezko konpetentziak lortzeko ARDURA aukera eta bide ezberdinak  aprobetxatuz.
Guzti hau oinarri, gure estrategia planeko lerro bat ikasleak konpetentzietan heztea da. Hemen kokatzen da Urratsbat programan parte hartzea eta jarritako helburua :
"Ikasleak ekintzailetasunean hezi eta ikasturte bakoitzeko gutxienez proiektu bat gauzatu”
Urratsbat Eusko Jaurlaritzako Hezkuntza, Hizkuntza Politika eta Kultura Sailaren Lanbide Heziketako Sailburuordetzak sustatutako eta TKNIKAK koordinatutako Lanbide Heziketako ikasleek beraien enpresak sortzen laguntzeko programa da .

Zer da Urratsbat?

Enpresa bat sortzea ez da batere lan erraza; horren jakitun, Urratsbatek zentroak enpresa-haztegi bihurtu nahi ditu. Programan parte hartzen duten proiektuek horrela eskatzen dutenean,  programako partaideek  beste instalazio batzuk ere erabil ditzazkete, hala nola, azterketa fasean dauden prototipoak egiteko tailerrak,…

Honez gain, ikastetxe bakoitzak du enpresa proiektuen garrantzia zabaltzeaz (autoenplegua lan merkatuari irteera emateko bide erreal bezala aurkezteko hitzaldiak…)   enpresa proiektuen dinamizazioaz (tutorizazioaz)  arduratzen den pertsona bat, promotoreari, bere enpresaren sorrera prozesu guztian zehar aholkularitza  eskainiko diola eta bere ondoan  laguntzaile moduan arituko dela.

Nori zuzendua dago?

Urratsbat honako hauei zuzentzen zaie:

  • Erdi eta goi mailako Lanbide Heziketako Ikastetxeetako bigarren mailako ikasleei.
  • Ikastetxeko ikasle ohiei.
  • Urruneko prestakuntzako ikastaroak zein Prestakuntza ofizialaz kanpokoak Ikastetxe horren bitartez egin dituelako zentro horrekin zerikusia duen edozeini.

Zein zerbitzu eskaintzen ditu?

Urratsbat programak honako hauek eskaintzen ditu:

  • Ikastetxe bakoitzean, prozesua abian den artean, uneoro sustatzaileari laguntzeko prest egongo den programaren arduradun bana.
  • Ikastetxe bakoitzeko Ekintzailearen Bulego bana. Behar bezala hornituta egongo dira bulegook, enpresak sortzeko prozesuetan egin beharrekoak garatu ahal izateko.
  • Enpresa martxan jartzeko unean Ikastetxeko ekipamendua erabiltzeko aukera (baldin eta ikastetxean horretarako aukera badago, eta hala egiteak klaseak ohiko eran ematea eragozten ez badu).
  • Ekintzaileari, bere negozio ideia, enpresa bihurtzea errazten dion aholkularitza zerbitzu integrala.

Informazio gehiagorako klikatu:
http://ekingune.tknika.net/urratsbat

edo idatzi urratsbat@oteitzalp.eus helbidera.