Euskomorfosia: EHUko ikasleek antolatu duten kanpaina Euskararen Egunaren harira

Euskara sustatzeko kanpaina abiatu dute EHUko Leioako kazetaritza, publizitate eta ikus-entzunezko komunikazioko lehen mailako ikasleek. Tartean dira gure ikasle ohi Intza Unanue eta Amaia Urbieta.

Egunerokotasunean euskara erabiltzen ez duten horiei metamorfosi antzeko bat egin eta euskaraz biziko diren tximeletak sortzea da Euskomorfosia ekimenaren helburua.

Bideoklipa ere grabatu dute.
https://www.youtube.com/watch?v=2LuPuQlT3gQ

ARGIA aldizkarian

Maiatzaren 23an ARGIA aldizkaria barrutik ezagutzeko asmoz Lasarten duten egoitzara joan ginen. Hantxe azaldu zizkiguten erredakzioko sekretuak, talde-lanaren gorabeherak, erreportaje edo elkarrizketa batek egiten duen bidea pentsatzen hasi eta argia ikusten duen arte. Goiz-pasa ederra izan zen eta euskal astekariko langileek beso zabalik hartu gintuzten. Guri eskerrak ematea besterik ez zaigu gelditzen. Bertan egon ginenon argazkia duzue ikusgai.

Gipuzkoako Eskolarteko finala, maiatzaren 25ean, Arrasaten

Zortzi gaztek hartuko dute parte finalean, tartean gure Amaia Urbieta
Gipuzkoako Eskolarteko Bertsolari Txapelketa azken txanpan da. Dagoeneko jokatu dira kanporaketa guztiak eta finala jokatuko da maiatzaren 25ean, Arrasateko Amaia antzokian. Zortzi gaztek hartuko dute parte bat-bateko final horretan. Bost kanporaketa jokatu ondoren sailkatu dira. 
 
• Eneko Araiztegi, Segurakoa
• Maider Arregi, Oñatikoa
• Jon Gurrutxaga, Azpeitikoa
• Iñigo Ibañez, Azpeitikoa
• Aratz Igartzabal, Gabiriakoa

Orriak

RSS - Batxilergoa-rako harpidetza egin